نفذ صبر الكراسي--ومل كوب الشاي00
وصرخ حتى القلم من غيبتك:" كافي"!
كانّ الريح من خلف الدرايش ناي 00
تقسم لي لحن غيابك.. الدافي
بكى حزن الشوارع من حنين خطاي00
بدونك هالعمر رمصى ..وانا حافي
كثير اهمس باذن طفل انتظارك جاي00
تعبت المح بعينه صاحبك 00جافي
وحيد .. وما يعلّلني سوى ذكراي00
تجاذبني الحديث ، وتسكن لحافي
وحشت اغلى الأماكن في وطن منفاي00
تحمّلني سلام ؛ وشوقها خافي
نجي نقطف زهر .. يسراك في يمناي00
ومرّ العام ، واصبح هالزهر سافي !
تعال .. وطبّب جروحي ، وعزّ بكاي 00
تعال ابذل سبب .. والله هو الشافي
كثير اهمس باِذن طفل انتظارك : "جاي00 "
تعبت المح بعينه : "صاحبك جافي"
وهنت .. وجيت ادوّر للمشاعر راي00
يوقّد لي فتيل سراجي الطافي
رحلت ، وحيل تتعبني منى بكراي00
عسى يعود الربيع ان عدّت (عجافي)
بذلت العمر كلّه .. في سبيل مناي00
وعلى كتف القدر .. شوف البخت غافي !
للشاعر / احمد التيمان
*************
قبل أبتدي عندي طلب ركِّز طلب ماهو " رجاء " !
ما أبي تجاوبني .. ولا تستغرب إني أسألك
لا تنصدم من عزلتي حالي مثل : أبو العلاء
عندي سبب : ما تستحق إنِّي أجيك و أوصلك
لا تعتبر جمر الحكي من شاعرك يعني " هجاء "
لو كنت بهجي حضرتك ما خفت منِّك .. قلت لك !
هذي القصيده مصنِّفه في دفتري قصة " رثاء "
حبٍ يموت وتنولد .. وحبٍ يعيش ويقتلك !
ناديت لك ياما .. ولا لبِّيت لي , وضاع النداء !
مبحوح صوتي والصدى من كثر ما ناديت لك !
أقرب من ثيابي علي وأبعد من نجوم السماء
ورغم إبتعادك والتعب ..أرسم طموح وأمهلك ..
ما كنت لي الداء وأنا ما كنت ل جروحك " دواء " ..
ما عشت في دنياي لي !!عايش ولكن عشت " لك " !
علمتك القلب الوفي .., ما يخذلك فيه " إنتماء " !
وعلمتني كيف العشم في من تحبه .. يخذلك !!
علمتك إن أصل الهوى يرجع ل كلمة " إحتواء " !
وعلمتني إن الهوى , ما عاش يوم ب داخلك !
علمتك إنِّي لك بحر [ مدَّه وجزره ] لك وفاء !
وعلمتني كيف أنصدم وأغرق أنا في ..ساحلك !
ما تستحي ,, ودامك كذا ؟ - إفعل حبيبي ما تشاء !
توِّي عرفت إنِّي كثر ما أعْرِفِك .. كنت أجهلك !
ما كان قلبي بس لك وقلبك لعب دور الدهاء !
وما كنت لك أقرب من أنفاسك وأقرب من هلك ؟!
ما عاد تفرق غيبتك أو رجعتك .. عندي سواء !
كنت إهتمامي ورغبتي .., والحين دوري أهملك !
إن كنت جاهل ..! " لعبتك قلبي " وما فيها ذكاء
حتى الطفل إن جبت له [ لعبه ].. - ولاءه صار لك !
قبل أنتهي عندي - أمر ما هو طلب وإلا - رجاء ..
لا يشغلك ماضي إنتهى .. ركِّز على " مستقبلك
