كل شيّ بثمـن

كل شيّ بثمـن إلا الأمانـي بـلاش ..

               احلمـي يـا عيونـي قـدّ ماتقدريـن

ومدّ يا ساق طولك لين حـدّ الفـراش..

              لـو تعدّيـت حـدّك عاقبتـك السنيـن

اه ياكم طموح(ن) داخل الروح عاش..

             وان بغيت اوجده في واقعـي مايبيـن!

كم احاول واحاول لكن الحظ مـاش!..

             ما يجمّلني الحـظ الـردي مـا يعيـن!

ولو يحقّق مطاليب الرجال...الهـواش..

            كان هاوشت حتـى ربعـي الأقربيـن

حكمة الوقت ماتعرف اصيل(ن) ولاش..

          والعطايا...تقسّم بين(زين(ن),وشيـن)!

وساكنين القصور وساكنين العشاش

          كلّهم لو تطول اعمارهم ...راحلين

الشاعر/ عبدالله عطية الزهراني

 

وبتل شريـــان الظمأ عـقب ما عـل  ...    

واروت جفاف القلب.. من قيض صيفه 

 

نـّـو المخيله ودقــــها نــاض واهمل
واسقـــت هماميلــه حيـــــود ٍ منيفه

وركاب قــــلبي هاضها نــــو مسبل
مثــــل الوليف الـــلي يقابــــل وليفه

منها هيـــوض القــــلب تشرب وتبتل
يـا مـــاهنــا ودق الغيــــوم الرديفه

وشربت صحاري القلب والروح اثمل
من طيب نفحـــات المجاني المريفه

وبتـــل شريـــان الظما عـقب ما عـل
واروت جفاف القلب من قيض صيفه

ترعى ركـابي دوم من وارف الظـل
وسرت نسايــــم ف الظـلال الوريفه

روض وجنان الدار من حيث ما تحل
تقطــف عناقيــد الــزهــور الخريفــه

تسرح وتضوي في حياضي ولاتكــل
مايهمهـا صــوت الرعــود القصيفه

تسري وهي بالقيد في سهل وجبل
وتســـرى وتسري والبـــوارق حفيفه

وكنانها شـــم ّ الشوامــــخ من الطل
 ترقــــا جبـــال العــز لـــــو هي كليفه

حتى ولـــــــو نـــو المخيلـه تعطـــل
تبقي ركـــــابي كـــــالحيـود المنيفــه